កម្មវិធីជំនួយដល់សមាជិក Medicare

ក្នុងនាមជាសមាជិក Medicare អ្នកអាចមានលក្ខណសម្បត្តិគ្រប់គ្រាន់សម្រាប់កម្មវិធីខោនធី រដ្ឋ និងសហព័ន្ធ។ កម្មវិធីទាំងនេះ អាចជួយដល់តម្រូវការសុខភាព និងថ្លៃចំណាយទាបរបស់អ្នក។ ទាំងនេះ មិនមែនជាកម្មវិធីរបស់ Blue Shield of California ទេ។ ទោះជាយ៉ាងណា យើងក៏អាចជួបភ្ជាប់អ្នកទៅសេវាទាំងនេះបាន។

សមាជិកគម្រោងរបស់ Medicare Supplement គួរតែបញ្ជាក់ជាមួយនឹងអ្នកផ្ដល់ដំបូន្មានរបស់ Medicare។
 

កម្មវិធីសន្សំប្រាក់ Medicare នៅរដ្ឋ California

អ្នកអាចមានលក្ខណៈសម្បត្តិគ្រប់គ្រាន់ទទួលបានកម្មវិធីសន្សំប្រាក់ Medicare ដើម្បីកាត់បន្ថយថ្លៃចំណាយចេញពីហោប៉ៅ។ កម្មវិធីសន្សំប្រាក់ Medicare ជួយធានារ៉ាប់រងលើបុព្វលាភធានារ៉ាប់រងរបស់ Medicare ផ្នែក A និង ផ្នែក B និងចំនួនទឹកប្រាក់ធានារ៉ាប់រងរួម។ សមាជិកអាចមានលក្ខណៈសម្បត្តិគ្រប់គ្រាន់ទទួលបានកម្មវិធីសន្សំប្រាក់ក្នុងកម្រិតផ្សេងៗគ្នា ដោយអាស្រ័យលើប្រាក់ចំណូល និងទ្រព្យសម្បត្តិ។ ស្វែងយល់ថ ាតើអ្នកមានសិទ្ធិទទួលបានកម្មវិធីសន្សំប្រាក់ Medicare ដែរឬទេ។

អ្នកក៏អាចទូរសព្ទទៅខ្សែទូរសព្ទជំនួយរបស់សមាជិក Medi-Cal នៃក្រសួងថែទាំសុខភាព (DHCS) តាមរយៈលេខ (800) 541-5555 ពីម៉ោង 8 ព្រឹក ដល់ម៉ោង 5 ល្ងាច។ ពួកគេប្រចាំការចាប់ពីថ្ងៃចន្ទដល់ថ្ងៃសុក្រ។

សម្រាប់សំណួរអំពីកម្មវិធីសន្សំប្រាក់ Medicare សូមហៅទូរសព្ទមកយើងខ្ញុំតាមរយៈលេខ (844) 378-4181 (TTY: 711)  ពីម៉ោង 8 ព្រឹក ដល់ម៉ោង 5 ល្ងាច យើងប្រចាំការពីថ្ងៃចន្ទរហូតដល់ថ្ងៃសុក្រ។
 

Medi-Cal៖ របៀបដាក់ពាក្យ និងបន្ត

សមាជិក Medicare ដែលមានប្រាក់ចំណូលទាប ក៏អាចមានលក្ខណសម្បត្តិគ្រប់គ្រាន់ទទួលបាន Medi-Cal ផងដែរ។ សូមមើលថាតើអ្នកមានលក្ខណសម្បត្តិគ្រប់គ្រាន់ទទួលបាន Medi-Cal ដែរឬអត់។ ប្រសិនបើអ្នកមាន Medi-Cal និង Medicare រួចហើយ (គេស្គាល់ថា ជាសិទ្ធិទទួលបានគម្រោងទាំងពីរ) ស្វែងរកធនធានដើម្បីរក្សាសិទ្ធិទទួលបាន Medi-Cal របស់អ្នក។ អ្នកក៏អាចទូរសព្ទទៅខ្សែទូរសព្ទជំនួយរបស់សមាជិក DHCS Medi-Cal តាមរយៈលេខ (800) 541-5555 ពីម៉ោង 8 ព្រឹកដល់ម៉ោង 5 ល្ងាចផងដែរ។ ពួកគេប្រចាំការពីថ្ងៃចន្ទដល់ថ្ងៃសុក្រ។

សម្រាប់សំណួរអំពីសិទ្ធិទទួលបានគម្រោងទាំងពីរ និងការបន្តសិទ្ធិទទួលបាន Medi-Cal សូមទូរសព្ទទៅក្រុមការងាររក្សាគម្រោងទាំងពីររបស់យើងតាមរយៈលេខ (844) 378-4181 (TTY: 711) ពីម៉ោង 8 ព្រឹកដល់ម៉ោង 5 ល្ងាច ពួកគេប្រចាំការពីថ្ងៃចន្ទដល់ថ្ងៃសុក្រ។
 

ប្រាក់ឧបត្ថម្ភដល់អ្នកមានប្រាក់ចំណូលទាបផ្នែក D (ត្រូវបានគេស្គាល់ផងដែរថាជាជំនួយបន្ថែម)

សមាជិក Medicare មួយចំនួនអាចមានសិទ្ធិទទួលបានកម្មវិធីប្រាក់ឧបត្ថម្ភដល់អ្នកមានប្រាក់ចំណូលទាបផ្នែក D របស់គម្រោងឱសថតាមវេជ្ជបញ្ជា Medicare (តគេស្គាល់ផងដែរថា ជាជំនួយបន្ថែម)។ កម្មវិធីនេះកាត់បន្ថយថ្លៃចំណាយលើការបង់ប្រាក់រួមចំពោះឱសថតាមវេជ្ជបញ្ជា និងបុព្វលាភធានារ៉ាប់រងផ្នែក D។ ស្វែងយល់បន្ថែមអំពីកម្រិតគាំទ្រ ហើយមើលថាតើអ្នកមានលក្ខណសម្បត្តិគ្រប់គ្រាន់ដែរឬទេ។ អ្នកក៏អាចទូរសព្ទទៅរបបសន្តិសុខសង្គមដោយឥតគិតថ្លៃផងដែរតាមរយៈលេខ (800) 772-1213  [TTY: 800-325-0778] ពីម៉ោង 7 ព្រឹក ដល់ម៉ោង 7 យប់ ពួកគេប្រចាំការចាប់ពីថ្ងៃចន្ទរហូតដល់ថ្ងៃសុក្រ។

សម្រាប់សំណួរអំពីប្រាក់ឧបត្ថម្ភដល់អ្នកមានប្រាក់ចំណូលទាបផ្នែក D សូមហៅទូរសព្ទមកយើងខ្ញុំ តាមរយៈលេខ (844) 378-4181 (TTY: 711) ពីម៉ោង 8 ព្រឹកដល់ម៉ោង 5 ល្ងាច។ យើងនៅប្រចាំការពីថ្ងៃចន្ទដល់ថ្ងៃសុក្រ។
 

កម្មវិធី CalFresh

កម្មវិធី CalFresh ផ្តល់អត្ថប្រយោជន៍ជាអាហារប្រចាំខែដល់បុគ្គល និងគ្រួសារដែលមានប្រាក់ចំណូលទាប។ កម្មវិធីនោះផ្តល់អត្ថប្រយោជន៍ប្រចាំខែលើកាតផ្ទេរអត្ថប្រយោជន៍តាមអេឡិចត្រូនិក (EBT)។ អ្នកអាចទិញអាហារនៅហាងលក់គ្រឿងទេស ឬផ្សាររបស់កសិករដែលទទួលយកកាត EBT។ ស្វែងយល់បន្ថែមលើអនឡាញតាមរយៈ CalFresh។ អ្នកក៏អាចហៅទូរសព្ទទៅកាន់ខ្សែទូរសព្ទជំនួយរបស់កម្មវិធី CalFresh តាមរយៈលេខ (877) 847-3663 ផងដែរ។
 

Eldercare Locator (មុខងារស្វែងរកការថែទាំមនុស្សចាស់)៖

Eldercare Locator ជាសេវាសាធារណៈរបស់រដ្ឋបាលសហរដ្ឋអាមេរិកចំពោះមនុស្សវ័យចំណាស់។ វាភ្ជាប់មនុស្សវ័យចំណាស់ អ្នកថែទាំ និងគ្រួសាររបស់ពួកគេទៅនឹងសេវាទាំងនោះ។ សូមស្វែងយល់បន្ថែមលើអនឡាញតាមរយៈ Eldercare Locator។ អ្នកក៏អាចហៅទូរសព្ទទៅពួកគេតាមរយៈលេខ (800) 677-1116 ផងដែរ។ 
 

ភ្នាក់ងារខាងវិស័យជរាវ័យ (Area Agencies on Aging) រដ្ឋ California

ក្រសួងទទួលបន្ទុកកិច្ចការមនុស្សចាស់ជរារដ្ឋ California (CDA) គ្រប់គ្រងកម្មវិធីដែលបម្រើដល់មនុស្សចាស់ មនុស្សពេញវ័យដែលមានពិការភាព អ្នកថែទាំ និងអ្នករស់នៅក្នុងមណ្ឌលថែទាំយូរអង្វែង។ សេវាមានផ្តល់ជូនតាមតំបន់ដោយទីភ្នាក់ងារដែលចុះកិច្ចសន្យាជាមួយនឹងខោនធី។ សេវាទាំងនោះអាចរកបាននៅតាមតំបន់ផ្តល់សេវា។ 

ជំនួយនោះ រួមមាន៖ 

• សេវាផ្តល់អាហារូបត្ថម្ភ
• សេវាពីអ្នកផ្តល់សេវា
• សេវាជួយទ្រទ្រង់តាមផ្ទះ
• សេវាពហុគោលបំណងសម្រាប់មនុស្សចាស់
• ការថែទាំរយៈពេលវែង អ្នកផ្តល់សេវា និងសេវាអ្នកថែទាំ
• សេវាការងារសម្រាប់មនុស្សចាស់

សូមស្វែងរកការិយាល័យក្នុងតំបន់របស់អ្នកនៅលើផែនទីសេវាកម្ម។ 

ជំនួយថ្លៃទឹក ភ្លើង សំរាម និងថាមពល

ក្រសួងអភិវឌ្ឍន៍ និងសេវាសហគមន៍ (CSD) រដ្ឋ California មានកម្មវិធីដែលអាចជួយប្រជាជននៅ California ដែលមានប្រាក់ចំណូលទាបជាមួយនឹងថ្លៃវិក្កយបត្រថាមពល និងទឹក ភ្លើង សំរាម។ កម្មវិធីក៏អាចជួយអ្នករស់នៅសន្សំសំចៃថាមពល និងកាត់បន្ថយថ្លៃវិក្កយបត្រទឹក ភ្លើង សំរាមផ្សេងទៀត។ សូមអានបន្ថែមអំពីកម្មវិធីនោះ។ អ្នកក៏អាចហៅទូរសព្ទទៅ CSD តាមរយៈលេខ (866) 675-6623 ផងដែរ។
 

មជ្ឈមណ្ឌលធនធានសហគមន៍របស់ Blue Shield Promise និង LA Care

Blue Shield Promise និង LA Care Health Plan ផ្តល់ជូនមជ្ឈមណ្ឌលធនធាននៅក្នុងខោនធី Los Angeles នៅទីតាំងទាំង 14 កន្លែងផ្សេងគ្នា។ មជ្ឈមណ្ឌលនេះបើកសម្រាប់សមាជិក Blue Shield ទាំងអស់ និងសាធារណជនទូទៅ។ 

ជំនួយនោះ រួមមាន៖

• ជំនួយផ្នែកសមាជិក និងការចុះឈ្មោះ
• សេវា Wi-Fi ឥតគិតថ្លៃចំពោះសេវាថែទាំសុខភាពពីចម្ងាយ
• ជំនួយជាមួយកម្មវិធីជំនួយ
• កន្លែងដាក់ស្បៀងអាហារដោយឥតគិតថ្លៃ
• ថ្នាក់ហាត់ប្រាណ 

សូមអានបន្ថែមអំពីមជ្ឈមណ្ឌលធនធានសហគមន៍។ 
 

2-1-1

2-1-1 គឺជាកម្មវិធីផ្តល់ព័ត៌មាន និងការបញ្ជូនបន្តដោយឥតគិតថ្លៃ ដែលភ្ជាប់មនុស្សទៅនឹងសេវាកម្មនៅក្នុងសហគមន៍របស់ពួកគេ។ 2-1-1 អាចរកបាន 24 ម៉ោងក្នុងមួយថ្ងៃ ប្រាំពីរថ្ងៃក្នុងមួយសប្តាហ៍។ វាបម្រើមនុស្សមកពីគ្រប់កម្រិតប្រាក់ចំណូល ភាសា សាវតារ និងទីតាំង។ ទទួលបានជំនួយ និងស្វែងយល់បន្ថែមអំពីសេវាសម្រាប់លំនៅឋាន អាហារ មធ្យោបាយធ្វើដំណើរ សុខភាពផ្លូវចិត្ត និងមានច្រើនទៀត។ ចាប់ផ្តើម នៅទីនេះ។ 
 

Findhelp.org

Findhelp គឺជាបណ្តាញថែទាំសង្គមមួយដែលភ្ជាប់មនុស្សទៅនឹងកម្មវិធីជំនួយ។ ស្វែងរក កម្មវិធីជំនួយហិរញ្ញវត្ថុ កន្លែងដាក់ស្បៀងអាហារ ការថែទាំផ្នែកវេជ្ជសាស្រ្ត និងជំនួយឥតគិតថ្លៃ ឬការបញ្ចុះថ្លៃចំណាយផ្សេងទៀត។ 

Blue Shield of California គឺជាគម្រោង HMO, HMO D-SNP និង PDP ដែលមានកិច្ចសន្យាជាមួយ Medicare និងកិច្ចសន្យាជាមួយកម្មវិធី Medicaid រដ្ឋ California។ ការចុះឈ្មោះនៅក្នុង Blue Shield of California អាស្រ័យទៅលើការបន្តកិច្ចសន្យា។